Prastawa, Widha (2014) PESAN MORAL WONTEN ING LAGU KASIMEX HOUSEBAND. S1 thesis, Universitas Negeri Yogyakarta.
|
Text
Widha Prastawa 10205244005.pdf Download (1MB) | Preview |
Abstract
Panaliten menika gadhah ancas kangge ngandharaken bab pesan moral wonten ing lagu Kasimex Houseband. Perkawis ingkang badhe kaandharaken inggih menika, (1) Wujudipun pesan moral, (2) Jinising pesan moral, saha (3) Kadospundi caranipun ngandharaken pesan moral wonten ing lagu Kasimex Houseband. Panaliten menika kalebet panaliten deskriptif. Sumber dhata ingkang dipunginakaken inggih menika saking video clip lagu Kasimex Houseband. Dhata ing panaliten menika awujud tetembungan, frase, gatra utawi larik, saha pada. Cara manggihaken dhata ing panaliten menika kanthi cara nyemaknyerat, nemtokaken unit ananlis saha panyeratan dhata. Dhata dipunpadosi kanthi cara deskriptif inggih menika panaliti ngandharaken wujud pesan moral, jinising pesan moral saha cara ngandharaken pesan moral wonten ing lagu Kasimex Houseband. Validitas ingkang dipunginakaken inggih menika validitas semantis, dene reliabilitasipun inggih menika reliabilitas ketekunan saha reliabilitas interater. Asiling panaliten menika ngandharaken wujud pesan moral ing panaliten menika kapanggihaken kalih welas, inggih menika, (1) kedah ngabektos dhumateng Gusti, (2) kedah eling dhumateng Gusti, (3) narima ing pandum, (4) boten pareng tumindak sewenang-wenangan, (5) boten pareng nglarani manahipun tiyang sanes, (6) kekancan seneng susah sesarengan, (7) ngormati tiyang sanes, (8) tanggel jawab, (9) kedah nuhoni janji, (10) kedah introspeksi dhiri pribadi, (11) boten nilaraken kewajiban, saha (12) temen. Jinising pesan moral wonten ing lagu Kasimex Houseband menika kapanggihaken tiga, inggih menika, (1) gegayutanipun manungsa kaliyan Gusti,(2) gegayutanipun manungsa kaliyan manungsa, saha (3) gegayutanipun manungsa kaliyan dhirinipun piyambak. Ing panaliten menika ugi ngandharaken caranipun ngandharaken pesan moral inggih menika kanthi cara langsung saha kanthi cara boten langsung.
| Item Type: | Thesis (S1) |
|---|---|
| Uncontrolled Keywords: | pesan moral, kasimex houseband |
| Subjects: | Bahasa dan Sastra > Bahasa Jawa |
| Divisions: | Fakultas Bahasa, Seni dan Budaya (FBSB) > Pendidikan Bahasa Daerah |
| Depositing User: | Admin Pendidikan Bahasa Jawa FBS |
| Date Deposited: | 04 May 2015 07:43 |
| Last Modified: | 29 Jan 2019 22:00 |
| URI: | http://eprints.uny.ac.id/id/eprint/18080 |
Actions (login required)
 |
View Item |