TY  - THES
PB  - Universitas Negeri Yogyakarta
A1  - Puji Lestari, Tri
N2  - Panaliten menika gadhah tigang ancas, inggih menika kangge
ngandharaken: (1) caranipun damel media sarasilah saha titikanipun wayang
Pandhawa mawi aplikasi Adobe Flash CS 6 kangge siswa SD kelas IV; (2)
kualitas media sarasilah saha titikanipun wayang Pandhawa mawi aplikasi Adobe
Flash CS 6 kangge siswa SD kelas IV dening dosen ahli materi saha dosen ahli
media; saha (3) pamanggihipun guru basa Jawi saha siswa kelas IV minangka
pangangge media sarasilah saha titikanipun wayang Pandhawa mawi aplikasi
Adobe Flash CS 6
Panaliten menika kalebet jinis panaliten Research and Development
(RnD). Panaliten menika kadhapuk saking gangsal cak-cakanipun damel media
inggih menika tahap: analisis; perencanaan; damel media; validasi saha uji coba;
saha produk pungkasan. Produk pungkasan media menika dipunsuwunaken
pambiji dhateng dosen ahli materi saha dosen ahli media mawi angket
pambijining kualitas media. Salajengipun dipuntindakaken pambiji kualitas media
ngginakaken angket dening guru basa Jawi sarta pamanggihipun siswa. Wondene
caranipun nganalisis data migunakaken analisis deskriptif.
Asiling panaliten nedahaken bilih media menika dipundamel kanthi (1)
analisis: katindakaken analisis kurikulum saha analisis kawontenan siswa; (2)
perencanaan: katindakaken kanthi damel flowchart saha storyboard; (3) damel
media: katindakaken kanthi damel media mawi aplikasi Adobe Flash CS 6; (4)
validasi saha uji coba: katindakaken kanthi validasi dhateng dosen ahli materi,
dosen ahli media, guru basa Jawi, saha uji coba dhateng siswa SD kelas IV; (5)
produk pungkasan: katindakaken kanthi revisi media jumbuh kaliyan kasilipun
validasi saha ujicoba ingkang sampun dipunlampahi. Validasi kualitas media
dening dosen ahli materi menika pikantuk prosentase biji 84,7% ingkang
kagolong sae sanget, wondene evaluasi saking dosen ahli media menika pikantuk
prosentase biji 77,7% ingkang kagolong sae, saha pambiji kualitas media dening
guru basa Jawi menika pikantuk prosentase biji 98% ingkang kagolong sae
sanget, wondene asiling angket pamanggih siswa tumrap media menika pikantuk
prosentase biji 86,8% ingkang kagolong sarujuk sanget. Asiling panaliten menika
nedahaken bilih media wulangan sarasilah saha titikanipun wayang Pandhawa
mawi aplikasi Adobe Flash CS 6 kangge siswa SD kelas IV saged dipunginakaken
minangka sarana kangge proses piwulangan basa Jawi.
Pamijining tembung : media, sarasilah saha titikanipun wayang Pandhawa,
aplikasi Adobe Flash CS 6
Y1  - 2018///
UR  - http://eprints.uny.ac.id/69233/
ID  - UNY69233
M1  - skripsi
AV  - public
TI  - DAMEL MEDIA SARASILAH SAHA TITIKANIPUN WAYANG
PANDHAWA MAWI APLIKASI ADOBE FLASH CS 6 KANGGE SISWA
SD KELAS IV
ER  -