TY  - THES
UR  - http://eprints.uny.ac.id/69198/
ID  - UNY69198
M1  - skripsi
AV  - public
TI  - RESEPSI PAMAOS TUMRAP CERKAK DHOKTER JAGAD ANGGITANIPUN KUSWAHYO SS RAHARJO
A1  - Nabilah, Maratun
PB  - Universitas Negeri Yogyakarta
N2  - Ancasipun panaliten menika wonten kalih, inggih menika kangge ngandharaken resepsi mahasiswa wonten aspek tema, fakta cariyos (alur, panggaraping paraga, saha latar), sarta horison harapan mahasiswa tumrap cerkak Dhokter Jagad anggitanipun Kuswahyo SS Raharjo. 	
Panaliten menika kalebet panaliten eksperimental. Subjek wonten panaliten menika inggih 20 mahasiswa Pendidikan Bahasa Jawa angkatan 2014. Cara nemtokaken sampel kanthi cara random sampling. Cara ngempalaken data ngginakaken kuesioner terbuka saha kuesioner tertutup. Keabsahan data dipunmangretosi saking validitas konstruk (expert judgement). Koefisien reliabilitas-ipun 0,643. Teknik analisis data wonten panaliten menika ngginakaken teknik analisis deskriptif kualitatif saha kuantitatif.  
Asiling panaliten menika nedahaken menawi: (1) mahasiswa paring pamanggih saha pambiji tumrap sakawan aspek (tema, alur, panggaraping paraga, saha latar) wonten kuesioner terbuka saha tertutup. (a) aspektema, mahasiswa kathah-kathahipun gadhah pamanggih menawi tema wonten cerkak menika unik kanthi pawadan boten asring wonten ing cerkak sanesipun; (b) aspekalur, saperangan ageng mahasiswa nedahaken menawi alur cerkak menika sae saha cetha kanthi pawadan gampil dipunmangretosi; (c) aspek panggaraping paraga, kathah-kathahipun ngandharaken menawi paraga wonten cerkak menika sae kanthi pawadan saged narik emosi pamaos lumantar pacelathon ing antawisipun paraga; saha (d) aspek latar, saperangan ageng mahasiswa ngandharaken menawi latar cerkak menika narik kawigatosan pamaos kanthi pawadan latar wonten cerkak menika prasaja, cetha, saha ringkes. (2) Adhedhasar horison harapan, Latar belakang pendidikan pamaos inggih menika mahasiswa program studi Pendidikan Bahasa Jawa angkatan 2014.
Y1  - 2018///
ER  -