@phdthesis{UNY69152,
          school = {Universitas Negeri Yogyakarta},
          author = {Arimbiyana Arimbiyana},
           title = {LELEWANING BASA PERBANDINGAN SALEBETING CAKEPAN LAGON HIP HOP NDX},
            year = {2018},
        abstract = {Panaliten menika ngandharaken jinis lelewaning basa perbandingan saha
fungsinipun ingkang dipunginakaken wonten salebeting cakepan lagon Hip Hop
NDX. Panaliten menika kalebet panaliten deskriptif. Data ing panaliten menika
jinis lelewaning basa perbandingan saha fungsinipun. Sumber datanipun inggih
menika saking cakepan lagon Hip Hop NDX anggitanipun Yonanda Frisna
Damara. Caranipun ngempalaken data inggih menika kanthi teknik nyemak saha
nyerat. Lajeng data dipun analisis kanthi teknik deskriptif.
Teknik deskriptif inggih menika cara analisis data ingkang
dipuntindakaken kanthi cara ngandharaken sedaya data miturut kategori
piyambak-piyambak. Salajengipun data dipun-analisis miturut ancasipun tuturan
utawi ukara. Teknik deskriptif ancasipun kangge ngempalaken data kanthi cara
obyektif saha sawontenipun. Lajeng validitas data ingkang dipunginakaken
wonten salebeting panaliten menika ginakaken validitas semantis, amargi datadata
ingkang awujud lelewaning basa perbandingan dipuntegesi adhedhasar
konteks tembung utawi ukaranipun. Lajeng kangge manggihaken reliabilitas data
ginakaken reliabilitas intra-rater.
Asiling panaliten menika jinis lelewaning basa perbandingan ingkang dipunginakaken wonten salebeting cakepan lagon Hip Hop NDX anggitanipun Yonanda Frisna Damara ingkang ngemot enem belas jinis lelewaning basa perbandingan, inggih menika: personifikasi, depersonifikasi, simile, metafora, hiperbola, metonomia, pleonasme, alegori, sinekdoke, alusio, asosiasi, eufimisme,
epitet, eponim, hipalase, saha pars prototo. Lajeng fungsi saking lelewaning basa
perbandingan wonten salebeting cakepan lagon Hip Hop NDX inggih menika
ngendahaken swanten utawi tuturan, nyangetaken tuturan, konkritisasi,
ngandharaken gegambaran, nuwuhaken kesan saha swasana, gesangaken
gegambaran, ngringkes seratan lan tuturan, saha gegambaran raosing manah.},
             url = {http://eprints.uny.ac.id/69152/}
}