%0 Thesis %9 S2 %A Muthiatun, Siti %A Nurhayati, Endang %B Pendidikan Bahasa Jawa %D 2019 %F UNY:66210 %I Program Pascasarjana %K piwulang asthaguna, serat candrarini, pendidikan karakter. %T Piwulang Asthaguna wonten ing Serat Candrarini saha Jumbuhipun ing Pamulangan. %U http://eprints.uny.ac.id/66210/ %X Panaliten menika ngewrat kalih ancas panaliten. Ancasing panaliten menika kangge: (1) ngandharaken piwulang Asthaguna ing salebeting Serat Candrarini, (2) ngandharaken jumbuhipun Piwulang Asthaguna ing pamulangan. Panaliten menika kalebet jinising panaliten analysis konten. Panaliten analisis konten kaginakaken kangge ngandharaken piwulang Asthaguna ing salebeting serat Candrarini. Analisis konten kaginakaken kangge nliti sumber data panaliten ingkang awujud sumber pustaka, inggih awujud teks utawi tetembungan ing tembang salebeting Serat Candrarini. Teknik ngempalaken data ing panaliten menika inggih maos, parafrase, saha wawan pirembagan. Analisis data ngginakaken teknik analisis konten. Validitas ingkang dipunginakaken, inggih menika triangulasi sumber saha expert judgement. Asiling panaliten menika ngandharaken kalih bab, sepisan nilai piwulang asthaguna ing salebeting Serat Candrarini. Piwulang Asthaguna ingkang kapanggihaken wonten ing salebeting serat Candrarini inggih menika : sabar, temen, rilan, asih welas, nora panasthen, remen pitulung, saha ngapura. Wondene piwulang pasrah boten kapanggihaken wonten ing salebeting Serat Candrarini. Ingkang kaping kalih inggih menika ngandharaken jumbuhipun Piwulang Asthaguna ing pamulangan. Adhedhasar asiling panaliten kanthi njumbuhaken piwulang Asthaguna kaliyan Kurikulum 2013 nedahaken bilih Piwulang Asthaguna jumbuh dipuncakaken ing salebeting pamulangan.