TY  - THES
N2  - Ancasipun panaliten menika kangge ngandharaken patrapipun wanita nalika nampi  tumindak degsiya wonten ing novel  Alun  Samudra Rasa anggitanipun Ardini Pangastuti Bn kanthi kajian feminispsikoanalisis Juliet Mitchell. 
Panaliten menika ngginakaken metode  deskriptif kualitatif.Metode menika dipunginakaken kangge ngandharaken fakta-fakta ingkang kapanggihaken kanthi sistematis,  faktual saha premati. Salajengipun, fakta-faktamenika dipunanalisis kanthi perspektif feminis psikoanalisis Juliet Mitchell. Feminis psikoanalisis Juliet Mitchell dipunginakaken kangge ngandharaken pangrembakanipun kapribaden ingkang dipunpangaribawani dening  faktor ketidaksadaran saha konsep kinship system  utawi sesambungan paseduluran. Trap-trapanipun pangempalanipun data wonten ing panaliten menika wonten  kalih  inggih menika; teknik maos saha nyerat. Teknik maos ingkang dipunginakaken inggih metode reading as woman. Data panaliten ingkang  sampun dipunpilah-pilah saha  sampun  fokus dhateng  patrapipun wanita, dipunserat wonten ing kertu analisis data. Teknik analisis utawi panintinge data menika dipunperang dados gangsal inggih menika; reduksi data, klasifikasi data, display data, saha damel  penafsiran saha interpretasi.
Asilipun panaliten menika wonten tiga, inggih menika; 1) wujud patrapipun wanita nalika nampi tumindak degsiya saha 2) prekawis ingkang njalari  saha 3) nilai-nilai piwulang wonten ing novel. Wujud patrapipun wanita nalika  nampi 
tumindak degisya wonten ing novel Alun Samudra Rasa wonten pitu inggih menika nundhung, nampik, nudhuh, pegatan,  kekerasan fisik, kekerasan psikologis saha nresnani priya sanes kejawi garwanipun. Patrap ingkang dipunketingalaken menika, dipunpangaribawani faktor pola  pikir saha faktor 
kinship system jumbuh kaliyan pamawasipun feminis psikoanalisis Juliet Mitchell.Mijilipun patrap-patrap menika dipunjalari saking faktor pola pikir ingkang wonten gegayutanipun kaliyan faktor ketidaksadaran saha faktor kinship system. Faktor  kinship system  wonten panaliten  caket gegayutanipun kaliyan prekawis pola asuh. Patrap ingkang dipunketingalaken paraga-paraga wanita ing novel menika, nampik tumindak degsiya dening garwanipun nanging kanthi ancas ingkang beda. Bedanipun menika dipunpangaribawa saking prekawis bedanipun pola asuh ingkang samangke ugi badhe paring pangaribawa ingkang beda tumprap pangrembakanipun kapribaden. Wondene, nilai-nilai piwuloang ingkang kaserat inggih nilai kemandirian, wanita utama saha kejujuran.
Y1  - 2017/04/28/
PB  - UNY
A1  - Fitriana, Tya Resta
M1  - tesis
ID  - UNY49083
AV  - public
TI  - Patrapipun Wanita Nalika Nampi Tumindak Degsiya Dening Garwanipun Wonten Ing Novel Alun Samudra Rasa Anggitanipun Ardini Pangastuti Bn (Kajian Feminis Psikoanalisis Juliet Mitchell)
KW  - bahasa Jawa
UR  - http://eprints.uny.ac.id/49083/
ER  -